Ár gCairt Úsáideoirí Seirbhíse

Conas gearán a dhéanamh in aghaidh baill foirne

Soláthraímid raon seirbhísí de réir na bhforálacha i gceithre phíosa reachtaíochta a bhfuil an Coimisiún um Chaighdeáin in Oifigí Poiblí freagrach astu:

Na hAchtanna um Eitic in Oifigí Poiblí, 1995 agus 2001;
An tAcht Toghcháin, 1997 (arna leasú);
An tAcht um an Oireachtas (Oifigí Aireachta agus Parlaiminte) (Leasú), 2014; agus
An tAcht um Brústocaireacht a Rialáil, 2015.

Áirítear na nithe seo leis na seirbhísí a sholáthraímid:

Na hAchtanna um Eitic

treoirlínte a fhoilsiú agus comhairle a thabhairt maidir le comhlíonadh na reachtaíochta;
na córais um nochtadh leasanna agus imréiteach cánach a riar;
sáruithe féideartha ar an reachtaíocht a imscrúdú;

Na hAchtanna Toghcháin

treoirlínte a fhoilsiú agus comhairle a thabhairt maidir le comhlíonadh na reachtaíochta;
riar agus tuairisciú a dhéanamh ar chórais rialála um shíntiúis pholaitíochta a nochtadh, speansais toghcháin, an maoiniú stáit a chuirtear ar fáil do pháirtithe polaitíochta, agus clárú “tríú páirtithe”;
fiosruithe a dhéanamh de réir mar is gá;

An tAcht um an Oireachtas (Oifigí Aireachta agus Parlaiminte)(Leasú)

riar agus tuairisciú a dhéanamh ar chaitheamh an liúntais ghníomhaíochtaí parlaiminte;

An tAcht um Brústocaireacht a Rialáil

clár brústocaireachta ar líne a chothabháil;
faireachán a dhéanamh ar chomhlíonadh na bhforálacha um chlárú agus tuairisceáin;
breitheanna a thabhairt faoi fhorálacha áirithe an Achta;
cur chun feidhme agus cothabháil a dhéanamh ar chód iompair do dhaoine a sheolann gníomhaíochtaí brústocaireachta;
treoir agus cabhair a thabhairt; agus
sáruithe ar an reachtaíocht a imscrúdú agus a shaothrú.

Ní mór teagmháil a dhéanamh le geallsealbhóirí éagsúla inár gcuid oibre, lena n-áirítear:

Airí/Airí Stáit
Comhaltaí an Oireachtais, i.e. Teachtaí Dála agus Seanadóirí
Feisirí Éireannacha de Pharlaimint na hEorpa
Comhairleoirí Speisialta d’Airí
Páirtithe Polaitíochta/Iarrthóirí
Oifigigh thofa agus baill foirne d’Údaráis Áitiúla
Daoine i bpoist ainmnithe agus i stiúrthóireachtaí sa státseirbhís agus sa tseirbhís phoiblí
Tríú páirtithe
Síntiúsóirí corparáideacha
Daoine i mbun Brústocaireacht
Daoine den phobal

Leagtar amach inár gCairt Úsáideoirí Seirbhíse na nithe ar féidir leat bheith ag súil leo uainn nuair a dhéanann tú teagmháil leis an gCoimisiún.

Teagmháil thar an teileafón

Má dhéanann tú teagmháil linn thar an teileafón, déanfaimid na nithe seo a leanas:

Do ghlao a fhreagairt go pras
Ár n-ainm a thabhairt nuair a fhreagraímid do ghlao
Bheith cúirtéiseach agus cuidiúil leat i ngach cás
Freagra iomlán a thabhairt ar do cheist
Mura féidir linn é sin a dhéanamh láithreach, tógfaimid do shonraí agus glaofaimid ar ais ort a luaithe is féidir
Freagairt go pras do do theachtaireachtaí glórphoist uile

Comhfhreagras scríofa

Má sheolann tú litir, ríomhphost nó ceist ar líne chugainn, déanfaimid na nithe seo a leanas:

Do chomhfhreagras a admháil laistigh de chúig nó sé lá oibre
A chinntiú go bhfaighidh tú freagra iomlán ar do chomhfhreagras scríofa laistigh de 28 lá oibre. Mura bhfuilimid in ann an spriocdháta sin a chomhlíonadh, déanfaimid teagmháil leat chun a mhíniú cén fáth nach bhfuil agus inseoimid duit cén uair a gheobhaidh tú freagra iomlán
Ainm teagmhála agus sonraí teagmhála a thabhairt
Scríobh chugat i dteanga shoiléir shimplí, gan aon téarmaí teicniúla a úsáid

Cuairteoirí ar an Oifig/Imeachtaí for-rochtana Má thugann tú cuairt orainn i bpearsa, déanfaimid na nithe seo a leanas:

Caitheamh leat le cúirtéis, meas a thabhairt ar do phríobháideacht agus bheith cothrom agus sinn ag déileáil leat
Bualadh leat ag an am comhaontaithe má tá coinne agat
Saoráidí cuí a chur ar fáil do chruinnithe
Ár n-oifigí poiblí a choinneáil glan agus slachtmhar agus a chinntiú go gcomhlíonfar caighdeáin sláinte agus sábháilteachta iontu

Seirbhís trí Ghaeilge

Tabharfaimid cúnamh do dhaoine ar mian leo a gcuid gnó a dhéanamh linn trí Ghaeilge

Tabharfar freagra i nGaeilge ar aon chomhfhreagras a fhaightear i nGaeilge
Foilseoimid doiciméid thábhachtacha, lena n-áirítear ár dTuarascálacha Bliantúla, i nGaeilge agus i mBéarla
Cinnteoimid go mbeidh bileoga eolais atá dírithe ar an bpobal ar fáil i nGaeilge agus i mBéarla araon
Beidh an leagan Gaeilge dár suíomh Gréasáin ag teacht, a mhéid is féidir, leis an leagan Béarla
Comhlíonfaimid na ceanglais eile atá orainn faoi Acht na dTeangacha Oifigiúla 2003 agus faoi Scéim Teangacha Oifigiúla an Choimisiúin, mar atá foilsithe ar ár suíomh Gréasáin

Comhionannas/Éagsúlacht/Míchumas/Príobháideacht

Geallaimid go gcaithfimid leat gan aon idirdhealú ná leithcheal
Tabharfaimid meas ar chomhionannas agus ar chearta an duine de réir phrionsabail Dhualgas na hEarnála Poiblí
Beidh sé mar aidhm againn go mbeadh fáil agus rochtain éasca agat ar ár seirbhísí agus ar ár saoráidí
Tabharfaimid meas ar an gceart atá agat chun príobháideachta

Is é seo a leanas an seoladh ríomhphoist teagmhála dár nOifigeach Rochtana faoin Acht um Míchumas: accessofficer@sipo.ie

Gearáin in aghaidh Baill Foirne

Tá beartas i bhfeidhm againn le haghaidh gearáin in aghaidh baill foirne a láimhseáil. Tá an beartas ar fáil ar ár suíomh Gréasáin. Is féidir leat sonraí a iarraidh faoi freisin trí theagmháil a dhéanamh linn go díreach.

Cabhraigh linn cabhrú leat

Is féidir leat cabhrú linn seirbhís ardchaighdeáin a thabhairt duit:

Leag do ghearán amach ar an mbealach is soiléire agus is gonta agus is féidir leat
Seol cóipeanna d’aon doiciméid ábhartha chugainn agus do ghearán á chur isteach agat
Caith lenár mbaill foirne agus lenár seirbhís le meas
Cuir tuairimí nó moltaí in iúl faoin tseirbhís a fhaigheann tú

Comhairliúchán agus aiseolas

Bímid i gcónaí ag iarraidh moltaí a fháil faoi bhealaí inar féidir linn ár seirbhís a fheabhsú. Dá mba mhaith leat tuairim nó moladh a chur in iúl, seol ríomhphost chuig sipo@sipo.ie

Cén áit ar féidir tuilleadh faisnéise a fháil

Tá an doiciméad seo ar fáil ar ár suíomh Gréasáin www.sipo.ie. Is féidir leat sonraí faoinár ngníomhaíochtaí eile, ár mbeartais agus ár bhfaisnéis teagmhála a fháil ar ár suíomh Gréasáin freisin.

Ár láthair

Tá ár lánsonraí teagmhála ar fáil ar an leathanach Gréasáin “Teagmháil”.

Is é seo a leanas ár seoladh: An Coimisiún um Chaighdeáin in Oifigí Poiblí, 18 Sráid Líosain Íochtarach, Baile Átha Cliath 2, D02 HE97. Bíonn an Oifig ar oscailt ó 9.15 a.m. go 5.00 p.m. Luan go hAoine.

Teileafón: An Coimisiún um Chaighdeáin +353 1 639 5666

Brústocaireacht +353 1 6395722

Ríomhphost: Ceisteanna maidir leis an gCoimisiún um Chaighdeáin sipo@sipo.ie

Gearáin Eitice agus Toghcháin complaints@sipo.ie

Ceisteanna maidir le brústocaireachtinfo@lobbying.ie

Oifigeach saorála faisnéise: foi@sipo.ie

Oifigeach cosanta sonraí: dataprotection@ombudsman.ie